Erton Musliu është personi i akuzuar për aksidentin e rëndë ne Ferizaj ku humbën jetën pesë persona. Përpara togave të zeza, Musliu nuk e ka pranuar fajin. Prokurori i çështjes, Shukri Jashari ka kërkuar dhënien e masës së sigurisë me paraburgim ndaj tij. Gjyqtarja e çështjes, Kadrie Goga Lubishtani ka vendosur që seanca për Musliun të zhvillohet në një datë tjetër, deri më tani e pacaktuar.
Sipas njoftimit të policisë, ngjarja ka ndodhur rreth orës 15:37 më 6 qershor 2021 ku Erton Musliu drejtonte automjetin tip “Audi A8”. Si pasojë e shpejtësisë së lartë, ai ka humbur drejtimin e mjetit dhe është përplasur me makinën tip “Golf II” në të cilin udhëtonin disa persona. Si pasojë e këtij aksidenti humbën jetën pesë persona e u arrestua si shkaktar i tij, Erton Musliu.
