Çmimet e energjisë elektrike në vendin tonë kanë filluar që 2020, ku shqiptarët kanë paguar më shtrenjtë se të gjithë vendet e rajonit furnizimin me elektricitet. Përveç ankesave të vazhdueshme nga qytetarët se kanë paguar fatura të kripura të energjisë elektrike, këtë skandal e vërtetojnë dhe të dhënat e publikuar së fundmi nga “Open Data”.
Në raportin e datës 4 tetor kjo agjenci publikon të dhënat mbi çmimet e energjisë elektrike në Shqipëri dhe Rajon, në të cilat evidentohet se vetëm në vitin e kaluar familjet shqiptare kanë paguar fatura 5.01 Lek/ kwh më shumë se vendet e tjera të rajonit. Edhe pse ne jemi një vend prodhues i energjisë elektrike, qytetarët shqiptarë mbajnë barrën më të madhe të pagesës për blerje të këtij shërbimi.
“Çmimi mesatar i energjisë elektrike për klientët familjarë për vendet e Bashkimit Europian është 10 Lek/kwh, ndërsa Çmimi mesatar i energjisë elektrike për klientët jo-familjarë biznese dhe institucione, për vendet e rajonit është 9.58 Lek/kwh. Shqipëria ka çmimin mesatar vjetor të energjisë elektrike për konsumatorët jo-familjarë, më të lartë se vendet e rajonit, me rreth 12.82 Lek/kwh, ndjekur më pas nga Maqedonia e Veriut me 9.27 Lek/kwh; Serbia me 8.91 Lek/kwh; Mali i Zi dhe Kosova me 7.81 Lek/kwh”, thuhet në raport.
Gjithashtu, ne renditemi në një nga vendet më taksimin më të lartë ndaj konsumatorëve të energjisë elektrike, qoftë atyre familjarë qoftë ndaj bizneseve. Sipas të dhënave të raportit, ne jemi vendi i tretë me taksat më të larta për këtë zë, renditur pas Greqisë dhe Italisë.
“Çmimi mesatar i energjisë elektrike për klientët familjarë për vendet e rajonit është 10.36 Lek/kwh, ndërsa Çmimi mesatar i energjisë elektrike për klientët familjarë për vendet e Bashkimit Europian, Itali dhe Greqi, është 15.49 Lek/kwh. Vihet re se Shqipëria ka çmimin mesatar vjetor të energjisë elektrike për konsumatorët familjarë, më të lartë se vendet e rajonit, me rreth 11.96 Lek/kwh, ndjekur nga Mali I Zi me 9.88 Lek/kwh; Maqedonia e Veriut 8.40 Lek/kwh; Serbi me 6.83 Lek/kwh dhe Kosovë me 6.86 Lek/kwh”, përcakton raporti.
Pra tregohet qartë që deklarate e kryeministrit Rama pak ditë më parë, për rritje të çmimit në energjinë elektrike nuk ka qenë një paralajmërim, por më shumë një justifikim për të mbuluar shtrenjtimin e vërtetë të energjisë që ka nisur nga viti i shkruar.
E.H/ gijotina.com/
