Denoncuesja Frances Haugen, 37 vjeç, ish-menaxhere produkti në ekipin e integritetit civil në Facebook, tha këtë të martë në një seancë në Capitol Hill, se Facebook dobëson demokracinë dhe vendos fitimet e tyre të jashtëzakonshme para njerëzve.
Ajo gjithashtu shprehet se udhëheqësit e Facebook-ut dinë t’i bëjnë produktet e tyre më të sigurta, por nuk duan. Produktet e Facebook-ut, sipas saj, “dëmtojnë fëmijët, nxisin ndarjen dhe dobësojnë demokracinë tonë”.
Demokratët dhe Republikanët kanë shprehur shqetësimin e tyre për ndikimin që Facebook dhe Instagram kanë në shëndetin mendor të adoleshentëve
Facebook ka hedhur poshtë pretendimet e saj, duke thënë se ka shpenzuar shuma të konsiderueshme parash për sigurinë dhe masa të tjera.
Një pjesë e madhe e argumentit të Haugen është se të vetmit njerëz që me të vërtetë i kuptojnë funksionimet e brendshme të Facebook janë punonjësit e tij.
Dëshmia e shumëpritur vjen një ditë pas një ndërprerje masive të Facebook, e cila doli jashtë shërbimit për gjashtë orë dhe preku miliarda përdorues globalisht
