Futbollisti shqiptar Taulant Xhaka ka përgënjeshtruar trajnerin Edi Reja në lidhje me çështjen e mos grumbullimit me kuqezinjtë. Ai ka theksuar se nuk gëzon formë të mirë dhe nuk ka refuzuar të luajë me kombëtaren.
“Taulant Xhaka kurrë nuk e ka refuzuar Kombëtaren! I kam thënë Bulkut që nuk jam akoma 100% në formën time dhe më mirë ishte që të merrte një lojtar qe eshtë 100% në formë.
Këto janë gënjeshtra dhe nuk e di pse. Nuk është aspak e vertetë që unë kam refuzuar Kombëtaren, por isha 1 vit i lënduar dhe nuk isha në 100% në formë dhe nuk dua të rrezikoj prapë që të lëndohem. Në këtë mënyrë, i kam dhënë shansin një lojtari të ri që të grumbullohet”, është shprehur Xhaka.
