Ish-zëvendës kryeministri Erion Braçe ka paralajmëruar se shumë shpejtë do të rritet dhe çmimi i ujit të ambalazhuar.
Me anë të një postimi në facebook, Braçe thotë se lajmin e ka dëgjuar nga një sekretar shoqate prodhuese dhe tregtuese në një intervistë për mediat. Këtë veprim ai e ka quajtur si sjellje e një karteli, ku anëtaret e tyre-operatore ekonomike, caktojnë çmimet në rritje, i ruajnë ato dhe me çmimet e caktuara ne rritje, ruajnë gjithashtu dhe pjesën e paprekur të fitimeve.
Më tej ai thotë se në mars ishte “karteli i plehrave” që njoftoi rritjen e çmimeve, tani i ka dyfishuar, pastaj ai i hidrokarbureve, pastaj akoma ai i importit, prodhimit te miellit e tregtimit të tij, e ndoqi shoqata e prodhuesve te bukës, fill pas tyre bëri njoftimin e saj shoqata e bareve e restoranteve që do rriste çmimin e kafesë në filxhan, në radhe është shoqata e prodhuesve që ka produkt edhe ujin e ambalazhuar.
Braçe gjithashtu thotë se tregjet në këtë mënyrë po deformohen pasi nuk ka konkurrencë, por thjesht i pranojnë fitimet e njëri-tjetrit dhe caktojnë njoftimin e çmimit. Këtë ai e quan si një dëm të madh që bie mbi qytetarët.
