Dushan Vlahoviç është një nga talentet më të mëdhenj në futbollin italian teksa sezonin e kaluar ai u shpall lojtari i ri më i mirë në Serie A. Presidenti i Fiorentinës, Komiso ka deklaruar se Vlahoviç nuk pranon të rinovojë teksa ekipet si Interi apo Juventusi kanë filluar të “fërkojnë” duart.
“Siç e dini, Fiorentina i bëri një ofertë shumë të rëndësishme lojtarit, një propozim kontrate që do ta kishte bërë atë lojtarin më të paguar në historinë e klubit, por pavarësisht përpjekjeve tona, propozimi i rinovimit nuk u pranua.
Për mua dhe Fiorentinën, gjithçka që mbetet është të marrim parasysh vullnetin e lojtarit. Së shpejti do të gjejmë zgjidhje të realizueshme dhe adekuate”, shkruhet në deklaratën e presidentit Komiso.
