Një sasi prej 300 kilogramë drogë është zbuluar në Podgoricë, e cila ishte nisur nga Shqipëria në drejtim të Bosnje Hercegovinës. Policia ka vënë në pranga një person, i cili ishte nën drejtimin e një cisterne të modifikuar, ndërkohë që droga ishte e llojit marjuanë.
Sipas vlerësimeve të para, rreth 300 kilogramë marihuanë u kapën në terminalin Doganor në Podgoricë, ka mësuar RTCG. Droga u zbulua nga anëtarët e Administratës së të Ardhurave dhe Doganave, të kryesuar nga Aleksandar Damjanović.
Marihuana u gjet në posedim të një shtetasi të Bosnje dhe Hercegovinës, me inicialet M.M, në një kamion cisternë, i cili hyri në Mal të Zi nga Shqipëria. Droga ishte nisur në drejtim të Bosnje Hercegovinës, kanë njoftuar mediat malazeze.
