Autori për vrasjen e 18-vjecares Shejla Bakija gjyshes së saj dhe plagosjen e babait të saj, Ilir Gjoka është lënë në paraburgim për 30 ditë.
Dje, gjyqtari hetues i Gjykatës së Lartë të Podgoricës, Vladimir Novoviç, urdhëroi ndalimin e tij deri me 30 ditë, duke shpjeguar se Gjoka mund të përsëriste krimin, të ndikonte te dëshmitarët ose të arratisej.
Sipas mediave malazeze, ngjarja dukej se ishte e parashikuar pasi në 2019 ai u dënua nga Gjykata Themelore në Podgoricë me 240 orë punë në interes publik dhe t’i paguaj 500 euro Institutit për Sëmundjet e Fëmijëve të Qendrës Klinike të Malit të Zi. Ilir dhe vëllai i tij Agron u gjykuan sepse më 4 mars 2019, në Tuzi, kanë dhunuar disa persona dhe për sjellje të paturpshme dhe të pamëshirshme, duke rrezikuar paqen e qytetarëve dhe prishën rendin dhe qetësinë publike.
28-vjeçari përballet me deri në 40 vjet burg dhe Prokuroria e Lartë e Shtetit e akuzon atë për veprën penale të vrasjes së rëndë.
