Autori i vrasjes së Sabrina Begajt, Elton Begaj ka shokuar me deklaratën e tij të fundit lidhur me marrdhënien e tij me të renë. Ai ka treguar se ish-vjehrri i ka kërkuar që t’i dërgonte foto nudo të tij dhe të Sabrinës, si dhe duke kryer marrëdhënie.
“Babai i Sabrinës më kërkonte foto të mia dhe të vajzës së saj nudo, duke bërë marrëdhënie. Ja kam dërguar, janë në messenger. I thosha ça po thua, ti je jashtëtokësor”, shprehet Metaj.
Ai u shpreh se vjehrri i tij e ka ndjekur me armë dhe e ka kërcënuar. Më tej, ai ka rrëfyer se nuk donte të vriste Sabrinën por ish-vjehrrin mirëpo ish-bashkëshortja iu është hedhur përsipër e më pas nuk e di se çfarë ndodhi.
“Vjehrri më ka ndjekur me armë. Ajo mu hodh sipër. Nuk doja ta vrisja, shkova për vjehrrin. Doja të merrja vajzën. Pas kësaj që ndodhi nuk e di. Dhimbjen po e ndjej unë, sa duan ata të japin, e qëlloi vjehrri, dëshira e tij ishte, jeni të vdekur të dy më tha. Ku e dija unë çfarë po bëja. Ika u largova, për veten time i mbaroj hallet. Nuk e di pse u largova, nuk e dija se çfarë ndodhi, e dija të plagosur, nuk e dija të vdekur”, tha Metaj.
Metaj ekzekutoi me armë zjarri me 11 shtator ish-bashkëshorten e tij, Sabrina Bengaj. Autori i ngjarjes shkoi në banesën e prindërve të së ndjerës në fshatin Zhupan të Fierit, për të kërkuar një ribashkim me ish-bashkëshorten. Duke u gjendur përballë refuzimit të saj, ai e qëlloi me armë zjarri duke e lënë të vdekur. Çifti ishin prindër të një vajze 3-vjeçare.
