Ish-kryeministri Sali Berisha është përballur me një incident të vogël në takimin e radhës të “Foltores”, në Gjirokastër.
Pak çaste sapo Berisha ishte futur në sallë u ndërpre energjia elektrike. Të pranishmit kanë nxjerrë celularët nga xhepat dhe kanë bërë dritë me “blice”.
Ndërprerja e energjisë zgjati vetëm pak çaste dhe u rikthye duke mos ndikuar në mbarëvajtjen e takimit të liderit historik të Partisë Demokratike.
Nuk dihet nëse ky incident ka qenë rastësor, apo i qëllimshëm, pro mendohet që mund të jetë një shenjë se kriza energjetike po vjen. Ndërsa mbështetësit e tij kanë brohoritur kundër Ramës, duke hedhur ide se ky mund të ketë qenë një plan i kryeministrit.
