Ish-ministri i Jashtëm Paskal Milo ka deklaruar gjatë një interviste televizive ditën e sotme se, pas samitit të Ballkanit Perëndimor në Slloveni do të ketë zvarritje të procesit të integrimit të Ballkanit Perëndimor, ndërkohë që shtoi se mund të ketë një plan investimesh me qëllim për të mbajtur gjallë frymën e integrimit.
“Besoj se do ketë zvarritje të procesit. Vendet e BP do përpiqen ti mbajnë me shpresë dhe mund të ketë një plan investimesh me qëllim për të mbajtur gjallë frymën e integrimit. Aq më tepër që në Janar e merr presidencën Franca që është skeptike dhe zor se do të marrë ndonjë hap. Zëvendësimi i fjalës kandidat me vend partner do të thotë shumë. Mund të shkojmë në statusin e Turqisë që vazhdon të jetë kandidate që prej 1999-ës”, tha ai.
Sipas tij, Bullgaria nuk është e vetmja përgjegjëse për pengesat që i nxirren Shqipërisë, por gjithsesi theksoi se kanë fatin e Shqipërisë në dorë dhe që marrin përfitime duhet të mbajnë edhe përgjegjësi. “Ata që kanë fatet e Shqipërisë në dorë, vendimmarrësit janë përfituesit e parë dhe duhet të jenë përgjegjësit e parë. Jo fitimet i kam për vete dhe përgjegjësitë për ju. Duhet të funksionojë fryma për të goditur elementë të politikës”, u shpreh ai.
Ndërsa shoi se, edhe qeveria jonë duhet të punojë për të mbushur plotësisht kriteret e vendosura nga BE.
