Kilian Mbappe ishte shumë pranë kalimit tek skuadra e Real Madrid merkaton verore teksa palët kishin gjetur akordin por PSG u bë pengesë. Vetë lojtari deklaroi një ditë më parë se dëshironte kalimin tek gjigandi spanjoll i futbollit por ditën e sotme mamaja e futbollistit, Fajza Lamari ka ndryshuar kursin e merkatos duke deklaruar:
“Në këto momente po diskutojmë rinovimin e kontratës dhe gjërat po shkojnë mirë, kemi folur edhe me Leonardon të hënën e kaluar. A do të gjejmë një zgjidhje? Një gjë është e sigurt, ai do të japë gjithçka deri në fund për të fituar Ligën e kampioneve”, ishte deklarata e saj. Palët mund të kenë arritur një akord për rinovimin e kontratës në mënyrë që Mbappe të mos largohet me parametra zero në merkaton e verës.
