Trajneri i skuadrës së Italisë, Roberto Mancini ka kritikuar ashpër mbrojtësin Bonuçi për ndëshkimin me kartonin e kuq çka ndikoi në rezultatin e ndeshjes. “Ndeshjet janë kështu, me raste episodet i ndikojnë. Pjesa e parë mund të mbyllej 1-1 lehtësisht. Ata luajnë shumë mirë teknikisht, por të vjen keq që u mbyll kështu. Duhej të mbeteshim me 11, kemi bërë një gabim që në këto nivele nuk duhet bërë. Kartoni i kuq i Bonuçit? Nuk e kam parë, por nuk ndryshon gjë, Leo duhej të tregohej i kujdesshëm në fillim, kur mori të verdhë për protesta. Ishte një paraqitje e mire dhe djemtë duhen përgëzuar për atë që kanë bërë. Vërshëllimat për Donarumën? Më erdhi keq.Spanja me të rinj? Është e drejtë, Edhe ne mund të luanim me ndonjë të ri më shumë, por janë disa situata që duhen respektuar. Sot, përtej kësaj humbje, na ka dhënë shumë forcë”, theksoi Mançini.
