Gjysmëfinalja e Nations League midis Italisë dhe Spanjës, që mbaroi me fitoren e këtyre të fundit me rezultatin 1-2 ka sjellë një sërë diskutimesh për ngjarjet që ndodhën në fushë.
Nxjerrja nga ndeshja me karton të kuq të Leonardo Bonuccit, duket se i preku shumë italianët, megjithatë vetë lojtari e ka pranuar gabimin e rëndë që bëri dhe ka kërkuar falje.
“Unë jam më i zemëruar se ju, para së gjithash me veten. Më vjen keq për atë që ndodhi dhe ju kërkoj falje. Megjithatë, kjo Itali do të ngrihet dhe do të jetë më e fortë se kurrë!”-ka shkruar në rrjetet e tija sociale qendërmbrojtësi i Kombëtares italiane.
Edhe trajneri Roberto Mancini, ai që “ia tërhoqi veshin” publikisht: “Dëbimi me karton të kuq i Bonuçit? Unë nuk e kam parë atë rast në televizor, por kjo nuk ndryshon asgjë. Leo duhej të ishte i kujdesshëm para se të ndëshkohej për protesta. Ishte një paraqitje e mirë për djemtë, për atë që dhanë në fushë, por nuk mjaftoi”.
Ndërsa Spanja mundi të siguronte kalimin në finale, kundërshtarin e të cilës do e mësojë nga ndeshja midis Francës dhe Belgjikës që do të luhet mbrëmjen e sotme në orën 20:45./K.T/Gijotina.com
