Endri Mustafa është personi që u gjet i vrarë me armë zjarri mëngjesin e sotëm në Shkodër.
Mustafa është një emër i njohur për policinë, pasi rezulton të jetë me precedentë të mëparshëm kriminalë. Mësohet se ai ka qenë i arrestuar së bashku me 5 të tjerë në vitin 2016 pasi atyre iu janë gjetur armë e municione luftarake.
Gjatë kontrollit atëherë u sekuestruan 6 automjete të ndryshme, 2 antiplumba, 305 copë fishekë model 56, 5 krehëra armë zjarri automatikë, 2 krehëra pistoletë TT, 5 skafandra motori, 4 maska dhe 4 kapuç me ngjyrë të zezë, 7 copë fishekë model 54, 3 gëzhoja model 54, rroba me mbetje si gjaku dhe 8 telefona celularë të markave të ndryshme. Emri i tij del në pistë edhe në vitin 2020 gjatë operacioni ‘’Maranaj’’ sërish për fajde, ku ai u shpall në kërkim policor.
Po ashtu, Endri Mustafa ka qenë i dënuar më parë dhe për plagosje.
