Ambasada ruse dhe ajo amerikane në Tiranë, janë përplasur me njëra-tjetrën në rrjetin social “Facebook” dhe shkaku është liria e medias në Rusi.
Ka qenë Ambasada Amerikane ajo e cila fillimisht ka postuar në “Facebook”, një status në të cilin pohonte se qeveria ruse, vazhdon fushatën e saj kundra medias së lirë, e sipas tyre kjo ka dhe pasoja tragjike.
Statusi: “Ndërsa qeveria ruse vazhdon fushatën e saj kundër medias së pavarur, ne jemi të vetëdijshëm për historinë e gjatë të saj armiqësore dhe persekutuese ndaj shtypit të lirë. Kjo sjellje ka pasoja tragjike dhe ne i nderojmë ata të cilët rrezikuan jetët e tyre duke ndjekur të vërtetën.”
Më pas ka pasur dhe një reagim nga ana e Ambasada e Rusisë në vendin tonë, po në rrjetin social “Facebook”, e cila reagon duke u shprehur se nuk pranon të komentojë, pasi përgjigjen e kanë dhënë vetë ndjekësit e faqes.
Postimi i plotë i Ambasadës së SHBA:
“Ndërsa qeveria ruse vazhdon fushatën e saj kundër medias së pavarur, ne jemi të vetëdijshëm për historinë e gjatë të saj armiqësore dhe persekutuese ndaj shtypit të lirë. Kjo sjellje ka pasoja tragjike dhe ne i nderojmë ata të cilët rrezikuan jetët e tyre duke ndjekur të vërtetën”
