Sulmuesi i Atletiko Madrid, Luis Suarez ka shpërthyer ndaj trajnerit të Barcelonës, Roland Koeman. Ai ka theksuar se holandezi nuk ka aspak personalitet.
“Ne biseduam në telefon për 40 sekonda dhe më tha që nuk isha në planet e tij, kjo nuk është mënyra për të hequr qafe një legjendë.
Fillimisht më tha se nuk do të isha në planet e tij dhe më pas më tha se nëse nuk zgjidhja kontratën time do të luaja në ndeshjen e parë të kampionatit me Vijarealin.
Atij i mungonte personaliteti për të m’i thënë gjërat qartë, nëse nuk më donte ai në skuadër apo nëse ishte vërtet klubi që po më largonte”, u shpreh Suarez.
