Grida Duma deklaroi ditën e sotme se kriza energjetike nën vendin tonë erdhi për shkak se tregu në këtë sektor, si çdo treg tjetër është i kapur nga qeveria dhe nuk ecën me konkurrencë të ndershme. u shpreh se tregu shqiptar nuk bazohet në normat e konkurrencës, pasi është i kapur nga oligarkët.
Ajo tha se për shkak që kryeministri shpalli krizën në këtë sektor, ka bërë që bizneset në sektorë të tjerë të rrisin çmimet.
“Tregu shqiptar nuk bazohet në normat e konkurrencës. Diku është i kapur i oligarkët dhe diku lëvrojnë disa të vegjël nga ajo që ka mbetur. Kur një kryeministër, pra se fakti që të ndodhë, del edhe shpall fatkeqësinë, bën që bizneset të rrisin çmimet. Vendimi për rritjen e çmimit të energjisë nuk ka ardhur ende. Ai e nisi logjikën që do të bëhet diçka për familjet në nevojë, nga ana tjetër, reformë strukturore sa i takon energjisë elektrike në vendin tonë nuk ka pasur”, tha Duma.
Sipas saj është mirë që të nisin sa më parë hetimet për këtë sektor, për shkak se aty janë bërë vjedhjet dhe aferat më të mëdha korruptive.
Kur thonë se energjia shitet sepse nuk mund të mbahet stok, është një justifikim i vogël para logjikës së korrupsionit. Kjo është kutia e Pandorës, sepse ata thonë se nuk është mall që mbahen në magazinë dhe gjoja e kanë shitur se aq ka qenë tregu. Ky është një sektor me shumë pika të errëta korrupsioni. Prandaj duhet parë mënyra se si është shitur dhe faturuar energjia elektrike. Kur qeveriset çdo gjë që është në botë mirë, thuhet se nuk i kanë në referencë ata”, u shpreh ajo.
Ndër të tjera ajo tha se vendin ynë është në krizë për shkak e taksat që vilen nga qytetarët shkojnë për pagesën e koncesionarëve të favorizuar nga qeveria.
