Ronald Koeman mbetet në stolin e Barcelonës. Kjo u njoftua nga presidenti Joan Laporta në një intervistë për RAC1 ku tha se holandezi e do klubin katalanas dhe se ka bërë shumë për ta.
“Të gjithë, përfshirë edhe atë, janë të dekurajuar. Si president kam vlerësuar gjithçka, kam dëgjuar njerëzit e mi të besuar dhe kam arritur në përfundimin se duhet t’i besoj atij siç bëra me Rijkaard. Ai është si ne, e do Barçën dhe është një legjendë e këtij klubi. Në të vërtetë, ai ka bërë më shumë, ka ardhur një moment krize sportive dhe institucionale. Doja të dija nëse ai i besonte ekipit dhe ai u përgjigj gjithashtu pozitivisht. Pashë një person të vendosur për të vazhduar,”-tha ai
Ndërsa është pyetur për Xavin, Laporta theksoi se atë e ka mik ashtu si edhe teknikun e Manchester City-t, Pep Guardiolën dhe shtoi se thjesht flet në këtë mënyrë me të dy.
“Unë shpesh flas me të sepse jemi miq, siç flas edhe me Pep. Më pëlqen të komentoj me të, e bëja kur luante dhe tani e bëj gjithsesi. Por ne kemi Koeman dhe ne jemi krenarë që ai është trajneri. Aktualisht jemi të fokusuar në ndryshimin e një situate sportive që nuk e prisnim. Unë mendoj se meriton besim dhe shpresoj që me shërimin e të dëmtuarve, gjërat do të përmirësohen.”-shtoi ndër të tjera kreu i klubit ‘Blaugrana’.
Ndërsa duket se lojtarët do duhet të vazhdojnë të punojnë me teknikun holandez edhe pse nga të larguarit si psh Suarez është theksuar se ai është shumë i pasjellshëm dhe i padurueshëm./K.T/Gijotina.com
