Parlamenti Evropian ka prezantuar një rezolutë me propozimet e saj lidhur me skandalin e “Pandora Papers” që është zbuluar ditët e fundit nga mediet. Në rezolutë shkruhet se BE-ja duhet të rimendojë dhe intensifikojë përpjekjet e saj për të luftuar praktikat tatimore që privojnë shtetet anëtare nga të ardhurat e konsiderueshme, çojnë në konkurrencë të padrejtë dhe minojnë besimin e publikut.
Sipas rezolutës, konkurrenca tatimore midis vendeve nuk është në vetvete problematike, mënyra në të cilën vendet përdorin regjimet dhe politikat e tyre tatimore për të tërhequr biznese dhe fitime duhet të qeveriset nga parimet. Rezoluta u hartua nga Oror Lalik (socialistët, Francë).
“Duke pasur parasysh konkurrencën e madhe tatimore midis vendeve, e cila po evoluon vazhdimisht në mënyra novatore, si brenda BE -së ashtu edhe ndërkombëtarisht, eurodeputetët deklarojnë në rezolutën e tyre se “”BE -ja duhet të rimendojë dhe intensifikojë përpjekjet e saj për të luftuar praktikat tatimore që privojnë shtetet anëtare nga të ardhurat e konsiderueshme, çojnë në konkurrencë të padrejtë dhe minojnë besimin e publikut. Ndërsa konkurrenca tatimore midis vendeve nuk është në vetvete problematike, mënyra në të cilën vendet përdorin regjimet dhe politikat e tyre tatimore për të tërhequr biznese dhe fitime duhet të qeveriset nga parimet,” thuhet në rezolutë.
“Pandora Papers” është rrjedhja e gati 12 milionë dokumenteve që ekspozojnë pasuritë e fshehura të udhëheqësve botërorë, politikanëve, miliarderëve e artistëve, ku përfshihej dhe ish-kryeministri britanik Tony Blair, e ndërsa flitet dhe për implikimin e një politikani shqiptar. Të dhënat u publikuan nga Konsorciumi Ndërkombëtar i Gazetarëve Hulumtues në Uashington DC duke nisur kështu një nga hetimet më të mëdha globale të bëra ndonjëherë, pas Panama Papers në 2016 dhe Paradise Papers në 2017.
