Policia Rrugore ka vijuar kontrollet për evidentimin dhe parandalimin e aksidenteve rrugore nga drejtues mjetesh që nuk respektojnë rregullat e qarkullimit rrugor.
Kështu, 24 persona janë arrestuar gjatë 72 orëve të fundit në vend, për shkelje të rregullave rrugore. Mësohet se nga 24 drejtues mjetesh të arrestuar, 14 janë për drejtim mjeti në gjendje të dehur dhe 10 për drejtim mjeti pa leje drejtimi.
Janë pezulluar 109 leje drejtimi, nga të cilat 55 për shpejtësi mbi normat e lejuara, 35 për drejtim mjeti nën efektin e alkoolit dhe 19 për qarkullim në sens të kundërt. Sipas njoftimit, në total janë gjobitur 3214 persona për shkelje të ndryshme.
Policia i bën apel qytetarëve, veçanërisht drejtuesit e mjeteve, motomjeteve dhe çiklistët, që të tregojnë kujdes dhe të zbatojnë me rigorozitet rregullat e qarkullimit rrugor.
