Kapiteni i Kombëtares së Kosovës, Amir Rrahmani ka folur pas disfatës së dardanëve kundër Suedisë këtë mbrëmje në kualifikueset e Kupës së Botës.
Kosova u mposht me rezultatin 3-0 ku golat në këtë fitore të Suedisë u shënuan nga Emil Forsberg 29’, Aleksander Isak 62’ dhe Robin Quaison 79’
“Sfida u vendos nga ato dy episode, të cilat vështirë është për t’i parandaluar, pasi ndodhi një penallti që normalisht ishte pafat që topi preku në dorë, ndërsa goli i dytë ishte i mrekullueshëm dhe këto dy episode e vendosen ndeshjen.”
“Tek rezultati 1-0 kemi mundur ta barazojmë rezultatin dhe ndeshjen, por nuk ia arritëm t’i konkretizojmë rastet”.
“Pas ndeshjes i thash ekipit që kemi humbur shumë topa në mesfushë dhe kanë ndodh shumë kundërsulme shkaku i kësaj dhe tjetra që ka ndodhur është se e kemi ditur që ata do të luajnë me topa të gjatë dhe topa të dytë dhe ne aty nuk ia dolëm,” ka thënë Rrahmani pas ndeshjes.
