Një djalë 3-vjeçar i cili ishte gati të festonte ditëlindjen e tij të hënën vdiq pasi ra nga dritarja e katit të katërt të një ndërtese në Harlem të premten në mëngjes.
Sipas policisë në New York kur mjekët shkuan në vendngjarje e panë fëmijën të shtrirë në tokë, por sapo mbërriti në spital u shpall i vdekur.
Gjyshja e fëmijës, Maria Rivera tha se Daniel ishte nën kujdesin e tezes së tij 28-vjeçare, ndërsa nëna e tij punonte në Bronx. Në kohën që ndodhi ngjarja e rëndë në apartament ndodheshin dhe vëllezërit dhe motrat e Danielit.
Është e paqartë nëse dikush ishte i pranishëm në dhomën e gjumit kur fëmija ra. Gjyshja e djalit tha se ajo mori një telefonatë nga vajza e saj, tezja e Danielit, duke thënë se ajo mendonte se diçka e keqe kishte ndodhur me nipin e saj kur ajo nuk e pa atë rreth banesës.
