Britney Spears dhe i fejuari Sam Asghari janë jashtëzakonisht të lumtur me ardhjen e qenushit të ri në familjen e tyre. Ai mban emrin Porsha, të cilin Asghari e bleu për yllin e popit dhe ua zbuloi fansave përmes mediave sociale.
Në postimin e tij të bërë në rrjetin e tij social Instagram, ai shkroi se:
“Surprizova të fejuarën time me anëtarin më të ri në familje. Emri i saj është Porsha, dhe ajo ka për qëllim t’ju dojë pa kushte dhe do të trajnohet për t’ju mbrojtur nga çdokush që vjen rreth jush me qëllime të këqija.”
Kujtojmw se këngëtarja e cila ka kaluar 13 vitet e fundit nën një kujdestari duke qenë në kontroll nga babai i saj, Jamie Spears, po lirohet tani plotësisht. Më 12 Gusht, Jamie tha se do ta japë dorëheqjen si kujdestar i së bijës dhe më 29 Shtator u zëvendësua nga avokati John Zabel. Fati i kujdestarisë do të përcaktohet në një seancë dëgjimore më 12 nëntor.
