Mbrojtësi Elseid Hysaj gjithashtu dha komentin e tij pas përfundimit të sfidës së Shqipërisë kundër Hungarisë, ku u shpreh:
“Kemi treguar një rritje të madhe si skuadër, si në ndeshjen e pare dhe këtu. Ishte e drejta të fitonim dhe të merrnim pikët, siç ndodhi tani të shohim.”
“Kishim tre raste të pastra për të shënuar, duhet pak fat. Siç ndodhi me Brojën që bëri një supergol nga ana tjetër e fushës, duhet të jesh i qetë të mos pësosh, pastaj do e gjesh golin.”
“Do të jetë një ndeshje shumë e bukur, ndeshje që mund të fitojmë ose të humbim shumë gjëra. Duhet të jemi të përqendruar dhe jo shumë të entuziazmuar, të kemi mbështetjen e tifozëve.”
“Dëgjova zhurmën e thashë çfarë ndodhi, më pas erdhi Gjimi tha “dora dora” dhe e kishte thyer. Me erdhi keq për Gjimin pasi është shumë i rëndësishëm për Kombëtaren dhe besoj se do të jetë tifozi jonë më i rëndësishëm për ne në sfidën e radhës,” mbylli Hysaj.
