Ka përfunduar përballja e shumëpritur e boksit mes Robin Krasniqi dhe gjermanit Dominic Bosel, ndeshje e kthimit kjo, pasi në ajo e para u mbajt në tetor të vitit të kaluar.
Përballja e parë mes dy boksierëve përfundoi me triumfin e shqiptarit Krasniqi, por këtë herë jo gjithçka shkoi mirë.
Peshat e mesme zbritën sërisht në ring këtë mbrëmje, me shqiptarin në mbrojtje të titullit IBO ndërsa gjermani në ndjekje të tij.
Dueli u intesifikua në fund të tij, ku raundi i nëntë ishte luftë e hapur, me të dy boksierët që nuk u ndalën, duke kërkuar dhe goditur akoma më shumë.
Në raundin e dhjetë ishte luftë e bukur, ku Krasniqi tregoi ripërtëritje të fuqive, ndërsa i 11-ti ishte totalisht i shqiptarit që sulmoi dhe goditi shumë shpesh Boserin.
Plotë 12 raunde tepër të luftuara, ku në fund duhej vetëm vendimi i gjyqtarëve që të vendoste fituesin, të cilët unanimisht i dhanë fitoren Domenic Bosel, dhe me shqiptarin që u detyrua të dorëzojë titullin kampion të peshave të mesme IBO
