Disa ditë më parë Gamzent Kurmaku kamarieri, i cili u plagos me sende të forta nga një klient që kishte shkuar për të darkuar në ambientet e restorantit “Fish City” ndërroi jetë në spitalin e Tiranës. Tronditës është fakti sesi 57- vjeçari u vra në krye të detyrës, e për këtë rast pronari i tij Gjergj Luca, zgjedh ta justifikojë ngjarjen me një postim në facebook duke u “zhveshur” nga përgjegjësia. Nëpërmjet një postimi në faqen zyrtare të restorantit teksa i shprehin ngushëllimet familjes, asnjë koment dhe në asnjë moment nuk është përmendur se ngjarja ka ndodhur në kohën kur kamarieri ishte në krye të detyrës. Por shton se ishte një aksident fatal.
“Ka dorëzuar shpirtin në prehjen e përjetësisë, Gazment Kurmaku, një nga punonjësit tanë, një nga njerëzit e përkushtuar. Pas një aksidenti fatal dhe një beteje disaditore ai nuk ka mundur t’ia dalë, nuk ka mundur të mbetet sërish me ne, për të ndërtuar ëndrrën e përbashkët. Lamtumirë miku ynë! Gaz tu prehtë shpirti të paqe! Zoti e shpërbleftë shpirtin tënd në mbretërinë e parajsës. Do të na mungojë gjithmonë buzëqeshja juaj, zëri dhe njerëzorja juaj që kaq shumë dha përkushtim dhe mirësi. Familjes së Gazit, të afërmve, miqve dhe kolegëve, i shprehim ngushëllimet më të sinqzerta. Lutemi që Zoti u dhashtë forcë për të përballuar këtë ndarje të parakohshme me të dashurin e tyre. Me shumë dhimbje dhe keqardhje i gjithë stafi i Rozafës!,”-shkruhet në postim.
Debati për rezervimin e një tavoline ka përfunduar në një sherr banal, ku si pasojë një person është plagosur.
Burime për gijotina.com bëjnë me dije se gjithçka ka nisur 6 ditë më parë. Erjon Llapushi kishte shkuar si klient në restorant, por 50-vjeçari që ishte në krye të detyrës si shef i kamerierëve e ka njoftuar se tavolina ku ishte ulur ishte e rezervuar. Kjo gjë nuk është pritur mirë nga Llapushi, i cili ka kundërshtuar duke agravuar debatin e nisur.
