Ora 20:45 e mbrëmjes së kësaj të marte do të jetë startimi i një prej ndeshjeve më të rëndësishme në historinë e Kombëtares shqiptare.
Skuadra ‘Kuqezi’ do të zhvillojë ndeshjen e fundit kualifikuese të Botërorit ‘Qatar 2022’ kundër Polonisë në stadiumin ‘Air Albania’.
Është hera e parë që përfaqësuesja jonë në këtë fazë të kualifikueseve renditet në vendin e dytë me plotë 15 pikë, ndërsa ka marrë tre fitore radhazi dy kundër Hungarisë dhe një kundër San Marinos.
E ndjekur nga Polonia e vendit të tretë me vetëm një pikë diferencë, ekipit tonë i duhet minimumi një barazim që të kalojë në fazën tjetër të Botërorit dhe në po ashtu të shënojë një moment historik që nga momenti i krijimit të Kombëtares në vitin 1932.
Sfida që do të luhet nesër në mbrëmje pritet të jetë një finale për ‘Kuqezinjtë’, të cilët edhe pse pritet të kenë një ndeshje ferri do të bëjnë gjithçka që të realizojnë ëndrrën e të gjithë shqiptarëve.
Ndonëse rezultati i takimit të fundit midis këtyre dy skuadrave ishte shkatërrues për shqiptarët, mbështetja e lojtarit të 12-ë, tifozëve në ‘Air Albania’, të cilët do jenë mbi 20 mijë vetë pritet të jetë një ndihmë e madhe për djemtë tanë.
E teksa na ndan edhe një ditë nga kjo super sfidë të gjithë janë me sy e me zemër nga ekipi i Kombëtares./K.T/Gijotina.com
