Dëmtimi i marrë gjatë ndeshjes së Kombëtares shqiptare me Hungarinë nga një përplasje me portierin Etrit Berisha, e cila u mbyll me fitoren në transfertë 0-1 të ‘Kuqezinjve’, e detyroi mbrojtësin tonë Berat Gjimshitin të dilte me barelë nga fusha e lojës.
Ndërsa ka bërë me dije gjendjen e lojtarit, klubi i Gjimshitit, Atalanta ka theksuar se ndërhyrja kirurgjikal ka përfunduar me sukses dhe se lojtari pritet të rikthehet në fushën e blertë pas një muaji.
“Lojtari Berat Djimsiti iu nënshtrua një operacioni këtë mëngjes për të zvogëluar frakturën e zhvendosur të rrezes dhe ulnës së parakrahut të tij të majtë. Brenda pak ditësh mbrojtësi do të rifillojë stërvitjen, teksa koha e pritshme për t’u kthyer në fushë është afërsisht tridhjetë ditë “.-thuhet në njoftimin e klubit italian.
Gjimshiti do të jetë përsëri në dispozicion të skuadrës së tij pas pushimit në nëntor, përveç dy ndeshjeve me United, mbrojtësi shqiptar do të humbasë sfidat e Seria A kundër Empolit, Udineses, Sampdorias, Lazios dhe Cagliarit./K.T/Gijotina.com
