Nënkryetarja e Partisë Demokratike, Grida Duma, ditën e sotme ka komentuar deklaratën e kryeministrit Rama, i cili pohonte se rritja e pagave dhe e pensioneve do të bënte që shqiptarët të mbeteshin pa bukë.
E ftuar në emisionin “Breaking”,Duma e quajti një koncepet partie pune, deklaratën e kryeministrit të vendit.
Ndër të tjera ajo ka pohuar se Rama i shet dështimet si suksese dhe e cilëson veten si shpëtimtar.
“Është koncept partie pune të thuash të rrisim pagat dhe pensionet do mbesim pa bukë. Sa është tregu i zi në Shqipëri? Sa është tregu i punës që nuk paguan sigurime fare? Kërko përgjegjësinë te vetja, s’mund të dalësh si shpëtimtar kur je shkaktar”, është shprehur Duma.
Nënkryetarja e Partisë Demokratike ka bërë dhe një koment dhe për “Open Balkan”, të cilin e quan të mbyllur e sipas saj aty janë vetëm dy shtete. Sipas Dumës, Rama i ka dhënë të drejtën presidentit Vuçiç që të përqeshë Kosovën.
“ Open Balkan nuk duhet të ekzistojë, se nuk është Open, por është Ballkan i Mbyllur, se për ata që nuk e dinë, janë vetëm 2 vende aty. Ti i jep të drejtën Vucic-it të përqeshë historinë e Kosovës”, ka përfunduar Duma.
