Policia e Greqisë ka vënë sot në pranga dy të rinjtë problematikë të cilët akuzohen se kanë shkuar në një lokal me kartëmonedha false.
Mediat greke bëjnë me dije se ata janë ulur në tavolinë duke u argëtuar deri në orët e para të mëngjesit.
Në momentin kur duhet të paguanin ata i dhanë kamerierit tre kartëmonedha 50 euro me tregues të dukshëm se ishin false.
Drejtuesit e lokalit thirrën policinë, ndërsa të rinjtë u vunë në pranga me akuzën e mashtrimit me anë të kartëmonedhës së falsifikuar.
Pritet që të zbardhen detaje të reja pas marrjes në pyetje nga uniformat blu të të arrestuarve.
