Mbrojtësi i skuadrës së Teutës, Xhekson është i bindur se durrsakët do të shpallen sërish kampion në Shqipëri. Bregdetarët sfidojnë Tiranën ndeshjen e radhës teksa futbollisti i durrsakëve është optimist se Teuta do të arrijë një rezultat pozitiv.
Padyshim që Tirana kërkon përqendrim maksimal, pasi është një skuadër shumë e mirë dhe ka cilësi brenda. Gjithsesi, kundër Tiranës do të kërkojmë të ruajmë vazhdimësinë e të marrim një tjetër fitore.
Mos harroni se tani Teuta ka shumë opsione për mbrojtjen? Në skuadrat e mëdha ka gjithmonë konkurrencë. Është e vërtetë që këtu ka shumë lojtarë me cilësi, por unë mendoj të jap maksimumin në çdo stërvitje. Për të tjerat them se mendon trajneri. Është ai që vendos se cili do të luajë.
Nuk e shikojmë shumë kalendarin e të tjerëve, por i yni është shumë i fortë. Tirana ka cilësi të shkëlqyera, pastaj ose përplasjet direkte, ose skuadrat që luftojnë për shpëtim luajnë në fushë. Cilësia do të bëjë ndryshimin e ne duhet të bëjmë më pak gabime.
