Nënkryetarja e Partisë Demokratike, Grida Duma, ka reaguar për krizën energjetike. Në postimin e saj në facebook, Duma ka hedhur një video dhe shkruan se nuk është krizë energjetike por krizë korrupsioni dhe e PPP-ve që pastrojnë paratë në parajsa fiskale.
Më tej ajo shton se, varfëria që ka shkaktuar qeveria i ka bërë shqiptarët e ndershëm të jetojnë me lista të borxheve, për të marrë ato pak gjëra me të cilat mbajnë frymën e familjeve
“Nuk është krizë energjetike, është krizë e korrupsionit e shkaktuar nga një regjim që merr borxh, për të larë borxhin e tenderëve sekretë, e koncesioneve dhe e PPP-vë që pastrojnë paratë në parajsat fiskale. Ndërkohë, shqiptarët e ndershëm jetojnë në ferrin e prodhuar nga makutëria e kësaj pakice, duke shënuar emrat në listat e borxheve për të marrë ato pak gjëra me të cilat mbajnë frymën e familjeve të tyre. Kjo është e vërteta” – shkruan Grida.
Partia Demokratike nuk i ka ndalur akuzat ndaj qeverisë për krizën energjetike, ku sipas tyre është e shpikur nga qeveria dhe se për këtë do të bëjnë një kallzim në SPAK.
