Pas shkarkimit të deputetit Flamur Noka si nënkryetar i Komisionit Parlamentar të Sigurisë me një vendim të kryetarit Lulzim Basha ka ardhur një reagim një tjetër deputete e selisë blu.
Albana Vokshi që deri tani publikisht ka mbajtur një linjë të distancuar publikisht nga debati Basha – Berisha ka thyer heshtjen. Në një postim në Facebook, Vokshi shkruan për fenomene që po dëmtojnë PD-në.
“Liria dhe demokracia e brendshme janë oksigjeni që mund të mbajnë në jetë PD-në. Memeceria, bindja e verbër dhe futja në rresht janë asfiksim që e çon PD-në në një vdekje pa zhurmë por të sigurt” – shkruan Vokshi.
Deri më tani deputetja Vokshi ka qëndurar në heshtje, edhe pse ka qenë kundër largimit të ish-kryeministrit Sali Berisha.
