Studentët e Universitetit “Eqrem Çabej” në Gjirokastër janë kundër vaksinimit me detyrim. Kur duhen edhe pak ditë nga nisja e vitit të ri akademik, numri i studentëve të cilët vaksinohen është i ulët. Në dy ditë, vetëm 11 prej tyre kanë aplikuar vaksinën. Jo vetëm në Gjirokastër, por edhe në qytetet e tjera, studentët janë kundër vaksinimit me detyrim, duke përmendur këtu Elbasanin apo edhe Universitetin “Ismail Qemali”, në Vlorë.
Ministria ka njoftuar se të gjithë studentët të cilët duan të jenë në auditor, duhet patjetër ose të vaksinohen ose të paraqesin testin çdo javë, ku të konfirmohet se kanë rezultuar negativë.
