Skënderbeu i afrohet sigurimit të mbijetesës në Superiore, pasi ka mposhtur Apoloninë me rezultatin e pastër 2-0 dhe shfrytëzon edhe humbjet e Kastriotit dhe Bylisit.
Korçarët e zhbllokuan ndeshjen që në fillim me një penallti të diskutueshme, realizuar nga Meksi. Tre minuta më pas Belajdi Pusi realizoi edhe golin tjetër, që qetësoi korçarët.
Dramë për Bylisin, që është mposhtur me përmbysje nga Kukësi. Ballshiotët shënuan të parët me Ntephe, por në pjesën e dytë Eze dhe Limaj arritën të realizonin dy herë dhe i dhanë një goditje të rëndë miqve nga Ballshi.
