Një 42 -vjeçar shqiptar, i dyshuar si kreu i një grupi kriminal që merret me trafikun e drogës, është vënë në pranga në aeroportin San Francesco të Perugia-s. Arrestimi i shqiptarit emri i të cilit nuk bëhet i ditur është bërë nga karabinierët, të ndihmuar dhe nga policia e aeroportit.
Pas më shumë se s 7 muaj hetimesh, që nga tetori 2017 deri në maj 2018, hetuesit e koordinuar nga Prokurori i Perugia, si pjesë e operacionit të quajtur “San Mariano 2017”, shkatërruan një linjë kriminale të trafikimit dhe shitjes së drogës, veçanërisht marihuanës.
Sipas burimeve atij i janë sekuestruar 1,400 kg marijuanë, armë dhe një gomone oqeanike, të përdorura për të transportuar drogën e sekuestruar. Mësohet se, grupi që ai drejtonte përbëhej nga 6 persona, të gjithë shqiptarë, të cilët në Italinë qendrore ishin në gjendje të menaxhonin sasi të mëdha droge, duke bërë që ato të mbërrinin nga Shqipëria, në një qendër magazinimi edhe në Romë.
Karabinierët, në aeroportin San Francesco zbatuan urdhrin e arrestit ndaj kreut të organizatës kriminale që të dërgohej në burg. Në përfundim të formaliteteve, 42-vjeçari shqiptar u shoqërua për në burgun Capanne në dispozicion të autoriteteve gjyqësore.
