Federata Shqiptare e Futbolli ka publikuar disa nga rregullat e vendosur për ndeshjen që do të zhvillohet mbrëmjen e sotme në orën 20:45 në ‘Air Albania’.
Kombëtarja do të ndeshet me Poloninë për takimin më të rëndësishëm të kualifikuesve të Botërorit ‘Katar 2022’, në atë që pritet të jetë një përballje shumë e luftuar.
Teksa na ndajnë edhe disa orë nga ky takim FSHF-ja ka bërë me dije se në stadium do të lejohet vetëm flamuri zyrtar shqiptar.
Rregullat që ka publikuar FSHF-ja:
– Hyrja e tifozëve do të fillojë në ora 18:00.
– Të gjithë personat që janë të pajisur me biletë, duhet të kenë me vete dokumentin e identifikimit si dhe nuk do të lejohen fëmijët nën moshën 16 vjeç, të cilët janë të pashoqëruar nga prindërit.
– Nuk do të lejohen disa sende si, sende të forta, bidonë uji, çadra, çelësa metalik apo lëndë piroteknike etj
– Lejohet vetëm flamuri zyrtar shqiptar.
Duke ju falenderuar për mbështetjen e pakufishme që i jepni gjithmonë ekipit Kombëtar shqiptar, shpresojmë në mirëkuptimin tuaj dhe në mbështetjen tuaj të përhershme./K.T/Gijotina.com
