Agim Baçi, ish-kandidat i PD-së në qarkun e Durrësit për zgjedhjet e 25 Prillit ka zbuluar prapaskenat e përplasjeve të fundit brenda Partisë Demokartike. Përmes një interviste televizive ai tha se, largimi i Berishës nuk ka qenë vendim i Bashës dhe as nuk është konsultuar me grupin.
Sipas tij, një kompani izraelite, që ishte kontaktuar nga Partia Demokratike për të bërë fushatën e demokratëve pasi bëri një sondazh në publikun shqiptar, i vendosi kusht Lulzim Bashës që të pranonte, duhet të largonte Sali Berishën nga lista e kandidatëve për deputetë.
Ndër të tjera, ai tregoi një prapaskenë të 4 viteve më parë në PD në lidhje me përjashtimin e Sali Berishës.
Sipas Baçi ky propozimi erdhi që atëherë, por Lulzim Basha nuk pranoi dhe kompania u largua. Ai tregon se Ish-kryeministri, Berisha ishte në dijeni dhe kur e pyeti Bashën se përse ikën izraelitët, lideri aktual i PD-së i tha se nuk do e pranonte kurrë largimin e tij. Por që këtë herë e bëri.
