Deputeti i PD, Alfred Rushaj, ka deklaruar ditën e sotme se fjalët që PD ka bërë një pakt me PS për reformën territoriale në këmbim të komisionit hetimor është gënjeshtër.
Përmes një deklarate për mediat ai tha se, PD nuk do pranojë kurrë ansjë propozim që cenon vijueshmërinë e komisionit hetimor për çështjen “Beccheti”.
“Ka një dakordësi për objektin e hetimit për zgjedhjet, nuk ka dakordësi për inceneratorët, ka një vendim të palës tjetër për të mos pranuar ngritjen e komisionit hetimor për Becchetin.
Dhe justifikim për këtë është një letër që ka dërguar avokati i shtetit, mosngritja e këtij komisioni i shërben interesit të Edi Ramës. Kjo është në shkelje të plotë të Kushtetutës, natyrisht që ne nuk do ta pranojmë këtë, do bëjmë gjithçka që kemi në dorë që ky komision të ngrihet.
Ne nuk kemi marrë asnjë propozim nga askush deri më tani për Vvetingun, nuk kemi diskutuar me askënd për këtë çështje, e rëndësishme për ne janë interesat e shqiptarëve. Po e përsëris edhe njëherë nuk kemi marrë asnjë propozim deri tani”, tha ai. Ndërsa tregoi se strategjitë si do të negociojnë do të paraqiten në momentin e duhur.
