Shefja e misionit të FMN-së për Shqipërinë, Yan Sun u shpreh se ekonomia shqiptare po përballet me disa sfida të rëndësishme, prandaj ajo sugjeroi më shumë transparencë nga ana e qeverisë për përdorimin e fondeve.
Sipas saj është nevojë urgjente që të reduktohet rreziku nga koncesionet si dhe të fillojë sa më parë ulja e borxhit publik.
“Sfidat janë 2, investimi në mënyrë efikase tek njerëzit dhe ekonomia dhe të përmbyllet rindërtimi, të mbyllet rreziku fiskal dhe të ulet borxhi publik. Rimëkëmbja duhet të përdoret për të arritur konsolidimin fiskal. Duhet zgjeruar baza tatimore dhe për të eliminuar shmangiet tatimore. Presim që strategjia afatmesme buxhetore të bëhet funksionale në vitin 2022. Duhet të rritet cilësia dhe transparenca në shpenzimet publike.
Për investimet ambicioze, duket të moderohet nga financimi i buxhetit dhe shpenzimet të orientohen tek qytetarët. Rreziqet fiskale në rritej, si PPP, garancitë shtetërore apo ndërmarrjet shtetërore duhet të menaxhohen më mirë. Mbështetja fiskale vjen duke u ulur por politika monetare duhet të jetë lehtësuese. Duhet të forcohen përpjekjet për të sunduar ligji, të eci reforma ligjore dhe të luftohet më tej korrupsioni”, tha Yan Sun.
Sipas saj, rimëkëmbja ekonomike e Shqipërisë varet nga strategjia që përdor qeveria për të përdorur si duhet burimet e saj dhe përthithur sa më shumë investime të huaja.
