Mbrëmjen e sotme ish-Kryeministri i Shqipërisë, Sali Berisha është takuar me demokratët e Kukësit, ku ka zhvilluar ‘foltoren’ e rradhws.
Njw bastion i njohur i djathtë, ish-lideri historik i Partisë Demokratike ka bërë dy premtime tepër të rëndësishme për demokratët, siç është heqja e traut në Rrugën e Kombit dhe garantimin e votës së emigrantëve.
I pari kishte të bënte me votën e emigrantëve. Sali Berisha deklaroi se zgjedhjet e ardhshme e drejta e votës së emigrantëve do të garantohet nga Partia Demokratike.
“Për votën e emigracionit e vërteta është kjo. Në vitin 2013, Edi Rama deklaroi se nuk futem në zgjedhje nëse ti lejon të votojë emigracioni dhe diaspora. Mos futja e tij në zgjedhje krijonte problem të madh për vendin. Në vitet e tjera uën kam kërkuar nga drejtuesit e PD të bëjnë gjithçka për votën e emigracionit. Në këto zgjedhje kam bërë të njëjtën gjë por të jap fjalën se zgjedhjet e ardhshme kjo forcë politike do garantojë votën tuaj, pa asnjë dfiskutim. Të vetmit në Europë jeni ju që nuk votuni, të gjithë popujt e tjerë kanë të drejtë të votojnë nëvendin e tyrëe, përveç shqiptarëve“, tha Berisha.
Më i fortë akoma ishte premtimi i dytë i ish-Kryeministrit. Ai deklaroi me tone të forta nga Kukësi se akti i parë i qeverisë demokrate do të jetë heqja e Traut në Rrugën e Kombit.
“Edhe Trau në Kukës. Sot Shqipëria ka qindra km autostrada, tra keni vetem ju. Më falni. Kur ne ngritëm punën e traut, cila ishte përgjigja e tyre? Ka marrë boll Kukësi, sikur rruga. Po kjo rrugë i jep Shqipërisë në vit rreth 400 milionë euro fitim vetëm nga Kosova. Kjo rrugë e ka nxjerrë veten 2 herë të paktë, dhe ky e mban traun. Trau do hiqet në aktin e parë të qeverisë demokratike”, deklaroi Berisha.
Mbrëmjen e sotme nga Kukësi, Sali Berisha u përqëndrua më së shumti te beteja politike me Edi Ramën, të cilin premtoi se do ta largonte nga pushteti.
Kukësi ishte qyteti i 8 i takimeve të Berishës, që kur Lulzim Basha e përjashtoi nga grupi i PD-së. Ai më parë është takuar me demokratët e Tiranës, Fier, Vlorë, Durrës, Shkodër, Elbasan, Gjirokastër, dhe mbrëmjen e sotme në Kukës.
