Kombëtajra e Shqipërisë nuk i’a doli të merte rezultatin e duhur në duelin vendimtar ndaj Polonisë. Kuqezinjtë u mundën me shifrat 1-0 ndaj polakëve në “Air Albania”. Një rezultat që e bën shumë të vështirë sigurimin e fazës play-of të kuqezinjve që zbresin në vendin e tretë me dy pikë më pak se Polonia.
Shqipëria krijoi shumë raste për gol por nuk ia doli të gjente rrugën e rrjetës. Duhet theksuar se në këtë ndeshje kishte shume tension në radhët e stolit të kombëtares shqiptare ku trajneri Edi Reja u ndëshkua me kartonin e verdhë për shkak të protestave.
Polakët shënuan një gol që askush nuk e priste. Suiderski realizoi në të 77′ minutë duke i shpëtuar mbulimit të mbrojtjes vendase dhe përfituar nga një vendosje jo e mirë e portierit Berisha.
Pas këtij goli erdhi edhe ndërprerja e ndeshjes pasi tifozët goditën me shishe në drejtim të lojtarëve polakë.
Me rifillimin e takimit nuk pati surpriza pasi Polonia administroi ndeshjen. Një humbje e pamerituar për Shqipërinë që ka shumë pak shanse për të siguruar fazën e play off.
