Mesfushori i kombëtares Ylber Ramadani komentoi duelin ndaj Polonisë ku Shqipëria për fat të keq nuk i’a doli të merte një rezultat pozitiv. Mesfushori theksoi se i vjen keq që tifozët nuk festuan asnjë gol.
“Më vjen shumë keq, bëmë një ndeshje shumë të mirë. Na mungoi vetëm goli, i bëmë të gjitha, krijuam raste, volum loje. Një gol na mungoi që në pjesën e parë.
Gjithmonë kam qenë gati, nuk ka rëndësi kush luan. Duhet të vish me krenari. Nuk ka rëndësi, kush luan, vetëm ekipi të jetë mirë. Kjo është Kombëtare, duhet të luajnë të gjithë dhe nuk kemi pse bëhemi nervozë kur qëndrojmë në stol..
Me Baren njihemi që nga U21, u munduam ta qarkullonim topin, me vjen keq që Bare doli jashtë për shkak të lëndimit. Luajtëm me qetësi, na mungoi një gol. Më vjen keq për tifozet që nuk mundën të shikonin një gol”, u shpreh Ramdani.
