Lazio duket se nuk do të ketë më avion të personalizuar. Marrëveshja me kompaninë private bullgare “Tayaranjet” është gati të përfundojë raporton ‘Gazzetta.it’.
Kompania bullgare i kishte dhënë klubit ‘Bardhekaltër’ për përdorim një nga avionët e tij, që është përdorur për udhëtimet e ekipit dhe që ishte i lyer me ngjyrat e Lazios, si dhe mbante simbolet laciale.
Ndërsa tashmë duket se marrëveshja nuk është rinovuar ende, sërish nuk përjashtohet mundësia që një marrëveshje e re të gjendet në javët e ardhshme, duke qenë se negociatat midis palëve nuk janë ndërprerë.
Për momentin ekipi do t’i bëjë udhëtimet e gjata me fluturim me carter, të organizuara herë pas here me kompani të ndryshme private./K.T/Gijotina.com
