Deputeti i Partisë Demokratike, Agron Gjekmarkaj, më një intervistë për mediat, ka folur për situatën në selinë blu. I pyetur se si do të vepronte nëse do të ishte ai kryetari i PD me rastin e Berishës, Gjekmarkaj është shprehur se vendimin e largimit të ish-kryeministrit do ta merrte që në 2013-ën.
“Unë kam natyrë tjetër nga Lulzim Basha, shumë tjetër. Unë do ta kisha marrë këtë vendim një 2013-ën, do ta kisha marrë vet, do ta kisha bërë përpjekjen sepse, të gjitha shoqëritë, po shoqëria shqiptare më shumë sesa të tjerat, liderin e do lider, mbretin e do mbret” – është shprehur Gjekmarkaj.
Më tej ai ka thënë se Basha ka qenë i dubluar nën hijen e Berishës dhe se ka katër javë që e sheh kreun e opozitës si lider të opozitës.
“Në një farë mënyre Basha ka qenë i dubluar nën hijen e Sali Berishës, për mirë apo për keq merre si të duash, për t’u justifikuar apo për t’u ikur shigjetimeve, por ka qenë. Të jem real, unë Lulzim Bashën e shoh prej katër javësh si njeri që ka totalisht përgjegjësinë mbi vete, mirë apo keq do të gjykohet në kohë, në vazhdim. Por që e shoh të jetë ai vetvetja, në sensin që është ai që e ka këtë borën mbi qafë, atë të liderit. Dhe kryetarin do ta gjykojmë 100 si kryetar të vërtet dhe real për meritat apo për gabimet e tij nesër” – Ka thënë në më tej Gjekmarkaj.
Gjekmarkaj gjithashtu tha se Basha nuk do ta kishte marrë vendimin ndaj Berishës, nëse nuk do të kishte ndërhyrë SHBA.
