Bilanc lufte në Norvegji, qytetari vrau disa persona në sulmin me hark dhe shigjeta. Konfirmohet numri i saktë i personave që ndërruan jetë dhe i të plagosurve.
Pesë persona janë vrarë dhe dy të tjerë janë plagosur në Norvegji pasi një burrë përdori një hark dhe shigjetë për t’i sulmuar ata.
Policia u lajmërua për herë të parë për një sulm në qytetin Kongsberg, në jug-perëndim të kryeqytetit Oslo, në orën 18:13 me orën lokale (16:13 GMT).
Një danez i moshës 37 vjeç është arrestuar nën dyshimin për kryerjen e sulmit. Policia beson se ai ka vepruar vetëm dhe do të hetojë nëse ishte një akt terrorizmi, tha një zëdhënës.
Kryeministrja Erna Solberg tha se raportet për incidentin ishin “tmerruese”.
“Unë e kuptoj që shumë njerëz kanë frikë, por është e rëndësishme të theksohet se policia tani është në kontroll,” tha ajo në një konferencë shtypi, siç citohet nga agjencia e lajmeve Reuters.
