Transferimi i Cristiano Ronaldos te Manchester United ka bërë që rëndësia e Edinson Cavanit te ‘Djajtë e kuq’ të humbasë.
Trajneri Gus Poyet beson se është koha që ai duhet të largohet nga ky klub, që të fitojë pozicionet e humbura.
Duke folur për ‘talkSPORT’, ai tha: “Pa ardhur Ronaldo, ai luante si sulmuesi kryesor. Merkato e verës rezultoi veçanërisht kundër një personi dhe ky ishte Cavani. Ndoshta ai duhet të lëvizë në janar”.
34-vjeçari shënoi 17 gola në 39 ndeshje gjatë një sezoni mbresëlënës debutues te United. Teksa pas mbërritjes së Ronaldos, ai është bërë një figurë periferike, madje ka humbur fanellën e tij me numrin 7, të cilën ia dha portugezit.
Vetë Cavani për këtë situatë kohët e fundit tha: “Në futboll, duhet të jesh gjithmonë gati. Ky është një nga çelësat në nivelin më të lartë. Ndonjëherë luani më shumë, ndonjëherë luani më pak, trajnerët marrin vendime, por kjo nuk e ndalon punën për të qenë gjithmonë konkurrues”.
Tashmë mbetet vetëm të shihet se cila dhe ku do të jetë e ardhmja e lojtarit./K.T/Gijotina.com
