Kompania italiane “Alitalia” do të zhvillojë fluturimin e fundit mbrëmjen e sotme në orën 23:10. Kjo, për shkak se tashmë ka falimentuar pas plot 74 vitesh. Avioni “Alitalia AZ 1586”, do të kryejë sonte udhëtimin e fundit nga Roma drejt Cagliarit.
Sipas informacioneve, pandemia e Covid-19 i dha një goditje fatale kësaj kompanie e cila prek falimentin pas më tepër se 7 dekadash, e me një dëm rreth 13 miliardë euro të shkaktuar ndaj shtetit italian.
Kompaninë e ka marrë përsipër “Italia Trasporto Aereo”, e cila do të punësojë rreth 2800 punonjës, teksa mijëra të tjerë do të dalin të papunë.
