Një 25-vjecar ka rënë sot në prangat e Policisë Vlorë, pasi dyshohet se është përdorues dhe shpërndarës i lëndëve narkotike. Mësohet se, bazuar në denoncimet e bëra për një shtetas që posedonte lëndë narkotike në banesë, policia kanë organizuar punën, duke ushtruar kontroll në banesën e shtetasit T. M., në fshatin Bashaj, Vlorë.
Gjatë kontrollit të ushtruar në banesën e këtij shtetasi, shërbimet e Policisë kanë gjetur dhe sekuestruar 5.4 kg lëndë narkotike të dyshuar cannabis sativa.
Materialet iu referuan Prokurorisë pranë Gjykatës së Shkallës së Parë Vlorë, për veprën penale “Prodhimi dhe Shitja e Lëndëve Narkotike”.
